ନୂଆଦିଲ୍ଲୀ, ଅକ୍ଟୋବର ୬: ନିର୍ବାଚନୀ ଭୋଟର ତାଲିକା ଏବଂ Special Intensive Revision (SIR)କୁ ନେଇ ଆପତ୍ତି ଜଣାଇ INDIA ବ୍ଲକ୍ ପକ୍ଷରୁ ଦିଲ୍ଲୀରେ ପ୍ରତିବାଦ ଓ ମାର୍ଚ୍ଚ କରାଯାଇଥିଲା। ନିର୍ବାଚନ ଆୟୋଗ କାର୍ଯ୍ୟାଳୟ ଅଭିମୁଖେ ଯାଉଥିବା ଏହି ମାର୍ଚ୍ଚକୁ ପୋଲିସ ବ୍ୟାରିକେଡ୍ ଦେଇ ଅଟକାଇଥିଲା।
ଲୋକସଭାର ବିରୋଧୀ ଦଳ ନେତା ରାହୁଲ ଗାନ୍ଧୀ, କଂଗ୍ରେସ ସାଂସଦ ପ୍ରିୟଙ୍କା ଗାନ୍ଧୀ ବାଦ୍ରାଙ୍କ ସମେତ ଅନେକ ବିରୋଧୀ ଦଳର ନେତା ଆକାଶବାଣୀ ଭବନ ନିକଟରେ ଧାରଣାରେ ବସିଥିଲେ। ପ୍ରତିବାଦକାରୀମାନେ ମୁଖ୍ୟ ନିର୍ବାଚନ ଆୟୁକ୍ତଙ୍କ ସହ ଆଲୋଚନା ଏବଂ SIR ସମ୍ପର୍କିତ ଅଭିଯୋଗ ଉପରେ ଉତ୍ତର ଦାବି କରିଥିଲେ।
ପରେ ଦିଲ୍ଲୀ ପୋଲିସ ରାହୁଲ ଗାନ୍ଧୀ, ପ୍ରିୟଙ୍କା ଗାନ୍ଧୀ ଓ ଅନ୍ୟ ନେତାମାନଙ୍କୁ ହେପାଜତରେ ନେଇଥିଲା। ନିର୍ବାଚନ ଆୟୋଗ ପକ୍ଷରୁ କୁହାଯାଇଥିଲା ଯେ ପୂର୍ବରୁ ଔପଚାରିକ ଭାବେ ସାକ୍ଷାତ ପାଇଁ ଅନୁରୋଧ ମିଳିନଥିଲା। ପରେ ହେପାଜତରେ ନିଆଯାଇଥିବା ନେତାମାନଙ୍କୁ ଛାଡ଼ି ଦିଆଯାଇଥିଲା।
