🔴 ଓଡ଼ିଶା ବନ୍ଦରେ ସମ୍ବଲପୁର ସହରରେ ଜୋରଦାର ପ୍ରଭାବ

🔴 ଓଡ଼ିଶା ବନ୍ଦରେ ସମ୍ବଲପୁର ସହରରେ ଜୋରଦାର ପ୍ରଭାବ

ଶାନ୍ତି ଓ ଶୃଙ୍ଖଳାର ସହିତ ବନ୍ଦ ପାଳନ, ଏକାଠି ହେଲା INDIA Alliance

ସମ୍ବଲପୁର, ୮ ଅକ୍ଟୋବର: ଓଡ଼ିଶା ବନ୍ଦ ଅବସରରେ ଆଜି ସମ୍ବଲପୁର ସହରରେ ବନ୍ଦର ପ୍ରଭାବ ସ୍ପଷ୍ଟ ଭାବେ ପରିଲକ୍ଷିତ ହୋଇଛି। ବିଭିନ୍ନ ଦଳ ଓ ସଂଗଠନର ନେତା ଓ କର୍ମୀମାନେ ଏକାଠି ହୋଇ ବନ୍ଦକୁ ସମର୍ଥନ କରିଥିଲେ। ସମଗ୍ର କାର୍ଯ୍ୟକ୍ରମ ଶାନ୍ତିପୂର୍ଣ୍ଣ ଓ ଶୃଙ୍ଖଳିତ ଭାବେ ପାଳନ କରାଯାଇଥିଲା।

ସମ୍ବଲପୁର ଜିଲ୍ଲା କଂଗ୍ରେସ କମିଟି (DCC) ସଭାପତି ଅମିତ ଗୁରୁ, ରାଜ୍ୟ କଂଗ୍ରେସ ସମ୍ପାଦକ ଦିଲୀପ ଦୁରିଆ, ବରିଷ୍ଠ କଂଗ୍ରେସ ନେତା ଜିତେନ୍ଦ୍ର ପ୍ରଧାନ, ହରିଜନ ମୋର୍ଚ୍ଚା ରାଜ୍ୟ ସାଧାରଣ ସମ୍ପାଦକ ତାପସ କୁମାର, ସତ୍ୟ ନାରାୟଣ ସେନାପତିଙ୍କ ସମେତ ବହୁ କଂଗ୍ରେସ ନେତା ଓ କର୍ମୀ ବନ୍ଦ ପାଳନରେ ସାମିଲ ହୋଇଥିଲେ।

ଏହା ସହିତ ସମାଜବାଦୀ ଜନତା ପାର୍ଟି, କମ୍ୟୁନିଷ୍ଟ ପାର୍ଟି ଓ INDIA Allianceର ବିଭିନ୍ନ ଦଳର ନେତା ଓ କର୍ମୀମାନେ ମଧ୍ୟ ବନ୍ଦକୁ ସମର୍ଥନ ଜଣାଇ ରାସ୍ତାକୁ ଓହ୍ଲାଇଥିଲେ। ବିଭିନ୍ନ ସ୍ଥାନରେ ଦୋକାନ ବଜାର ବନ୍ଦ ରହିବା ସହିତ ବନ୍ଦ ସମର୍ଥକମାନେ ଶାନ୍ତିପୂର୍ଣ୍ଣ ଭାବେ ଲୋକଙ୍କୁ ବନ୍ଦରେ ସହଯୋଗ କରିବାକୁ ଆହ୍ୱାନ କରିଥିଲେ।

ସମ୍ବଲପୁରରେ ବିରୋଧୀ ଏକତାର ଏହି ଦୃଶ୍ୟ ଓଡ଼ିଶା ବନ୍ଦକୁ ଏକ ନୂଆ ରାଜନୈତିକ ସନ୍ଦେଶ ଦେଇଛି।